Expediente de contratación - Servicio de recollida de residuos sólidos

Consulta a información do proceso nos arquivos anexos!

Fase de Recolleita de Propostas

Resultado do proceso participativo sobre o Expediente de contratación - Servicio de recollida de residuos sólidos.

EXPEDIENTE DE CONTRATACIÓN SERVICIO DE RECOLLIDA DE RESIDUOS SÓLIDOS

O Pleno municipal do Concello de Narón, en sesión de data 3 de setembro de 2018, acordou prestar aprobación ao Informe xustificativo da necesidade do contrato de servizos denominado “Servicios de recollida de residuos sólidos urbanos e de limpeza viaria no Concello de Narón”, incoando o expediente de contratación; ordenando a redacción e posterior incorporación a ese expediente de cantos informes legalmente resulten precisos, así como dos pregos reguladores do mesmo.

Redactados pola empresa consultora os pregos administrativo e técnico do referido servicio, expoñéronse ao público na web de participación Cidadá do Concello de Narón, para que cantas entidades ou persoas se estimasen interesadas no devandito expediente, presentaran a través do enlace habilitad ao efecto, cantas suxerencias ou aportacións se tiveran por pertinentes.

Rematado o prazo incial e a súa prórroga daquel trámite a través da aplicación de participación cidadá naronparticipa.es, recolléronse ata un total de trinta e sete alegacións/suxerencias presentadas por nove participantes, na plataforma citada; no propio rexistro municipal e no correo electrónico da Concellería de Servicios.

Unha vez revisadas as mesmas e emitido informe polo funcionario responsable foron incorporadas ou rexeitadas en base á argumentación obrante no expediente (vid Anexo I); evacuáronse igualmente os informes técnicos, económicos e xurídicos legalmente esixibles; e foron elaborados os pregos definitivos avalados polo persoal funcionario desta administración.

Finalmente o pleno municipal na sesión celebrada o 28 de marzo de 2019 acordou aprobar o expediente de contratación do servizo de recollida de lixo e limpeza viaria, tramitado mediante procedemento aberto, oferta economicamente máis vantaxosa, con varios criterios de adxudicación e suxeito a regulación harmonizada: aprobar os pregos de prescricións técnicas e administrativas particulares que rexerán o contrato do servizo de recollida de RSU e limpeza viaria; aprobar o gasto publicar no Diario Oficial da Unión Europea e perfil do contratante, anuncio que iniciará o procedemento licitatorio, coa apertura dun prazo de 30 días (resultante da aplicación das reducións de prazos previstas na LCSP), contado dende a data de envío do anuncio ao devandito Diario Oficial, para que os interesados poidan presentar as súas proposicións.